2.1 Gewone breuke met verskillende noemers en tellers  (Page 2/4)

3.5 Knip die staaf op die aparte bladsy uit. Vou dit om agstes te lewer. Ontvou dit. Trek stippellyne op die voue. Die stippellyne behoort die staaf in agt gelyke dele te verdeel. Toets dit om te sorg dat dit reg is. Kleur twee dele in. Doen dieselfde met die tweede staaf, maar vou dit om kwarte te lewer. Kleur ook twee van hulle in. Plak nou jou uitknipsel oor die stawe wat hieronder getoon word. Benoem die dele wat jy ingekleur het.

3.6 Kyk nou na die stawe en gebruik die tekens<en  om die werk op die volgende bladsy van die module te voltooi:

1. Twee agstes ____________ twee kwarte
2. Drie agstes ____________ een kwart
3. Een agste _________ een kwart
4. Vyf agstes ________ 'n driekwart
5. Ses agstes ___________twee kwarte
6. Drie agstes ____________ twee kwarte

FATSOENE VIR UITKNIP

Aktiwiteit 2:

Om omgekeerde verwantskap, ekwivalensie en die eienskappe van heelgetalle te herken en te beskryf [LU 1.12]

Wat is breuke?

Ons het gesê dat breuke gelyke dele van 'n geheel is. Breuke is getalle. Vyf en twintig is 'n getal; half / halwe is ook 'n getal.

• 25 is nie 'n 2 en 'n 5 nie! 25 is twintig en vyf. Net so moet ons aan 'n halwe as 'n getal dink. Dit bestaan nie uit 'n 1 en 'n 2 nie; dit is 'n halwe, 'n getal.
• Al die deeltjies van $\frac{1}{2}$ vorm saam 'n getal.
• In Module 1 het ons geleer dat vyf en twintig in woorde of met syfers geskryf kan word: 25.
• Breuke kan ook in woorde of met syfers geskryf word: halwe of $\frac{1}{2}$ .

Wat is 'n halwe? Ons neem 'n hele en verdeel dit in twee gelyke dele. Ons sou 'n appel kon neem en dit gelykop tussen twee meisies kon verdeel. 1  2 = halwe

$\frac{1}{2}$ Die lyn in die middel kan  beteken, so 1  2

Halwe of $\frac{1}{2}$ beteken 1  2

• Wanneer ons breuke as getalle skryf, sê die syfer wat onder die lyn is vir ons in hoeveel dele die geheel verdeel is. Die boonste syfer sê vir ons hoeveel van die dele gebruik word.

Hoeveel van die dele gebruik word (Teller)

In hoeveel dele die geheel verdeel is (Noemer)

1. Elk van die volgende stawe stel 'n geheel (een hele) voor.

1.1 Hierdie staaf is in vyfdes verdeel.

a) Trek gekleurde lyne daaroor om tiendes te toon:

1. Kleur $\frac{3}{\text{10}}$ daarvan in.

1.2 Hierdie staaf toon twaalfdes.

a) Trek gekleurde lyne daaroor om kwarte te toon.

b) Kleur $\frac{3}{4}$ daarvan in.

1.3 Hierdie staaf toon veertiendes.

a) Trek gekleurde lyne daaroor om sewendes te toon.

b) Kleur $\frac{4}{7}$ daarvan in.

Aktiwiteit 3:

• Om probleme op te los wat gelyke deling met 'n res behels [LU 1.8.6]

• Om ekwivalente vorms van gewone breuke te herken en gebruik [LU 1.5.1]

Om gewone breuke te herken en voor te stel om hulle in skrif en diagrammaties te beskryf en voor te stel [LU 1.3.3]

GROEPWERK

1. Lees die volgende storietjie en voltooi dan die vrae en instruksies daaroor. Indien jou opvoeder daarmee tevrede is, kan julle in groepe saamwerk.

Toe die klok vir pouse lui, het Khanyi en Reyhana na hulle gunsteling sonnige hoek van die speelgrond gehardloop. Hulle gaan sit en maak hul kosblikke oop.

“Kyk net!” sê Khanyi. “Vandag het ek ses Marie-beskuitjies! Ek kan nie ses beskuitjies eet nie! Ek sê jou wat ons doen, Reyhana. Kom ons deel ons kos gelykop.”