4.2 Sade

Lewensvaardighede

Graad 2

Bome

Module 5

Sade

Sade

• Ons het nou die verskillende sade bestudeer, maar wat het die sade nodig om te groei?
• Daar is drie belangrike dinge: sonlig, water en grond. Die soort grond is baie belangrik. Dink aan die sand op die strand of in die woestyn. Hoeveel plante kan in hierdie soort grond groei?
• Probeer die volgende eksperiment om te bepaal in watter grond ‘n plant die beste sal groei.

1. Vul drie potte met verskillende soorte grond:

- seesand of bousand;

- los rooisand met ‘n paar klippies in;

- donkerbruin of swart grond (potplantgrond).

1. Probeer om plantjies wat maklik groei, in die hande te kry en plant dit in die verskillende potte.

1. Plaas dit in die sonlig en gee dit gereeld water.
2. Teken jou eksperiment.

Datum ________

Na een week - Datum _________

Hoe lyk jou plante nou?

Na die tweede week. datum__________

Watter plante het die beste gegroei?

• Waarom dink jy het dit die beste gegroei?
• As jy ‘n wurm was, in watter grond sou jy verkies het om te bly? Sê waarom jy so sê.
• Kon die wind enige van die grond wegwaai? As jou plante nie in die wind was nie, probeer om die grond te blaas. Watter grond kan jy maklik wegblaas?
• Watter soort grond dink jy sal die boer op die plaas verkies.
• Soms sien ons gronderosie op ons plase.

• Dit beteken dat die grond weggewaai of weggespoel het en dat niks daar kan groei nie. Watter soort grond dink jy is dit?

Assessment

Memorandum

Vrugte van bome

Die meeste bome ontwikkel uit sade. Die bome dra vrugte en die saad is in die vrugte.

Soek voorbeelde van verskillende soorte vrugte wat aan bome groei. Kyk na die vorm en tekstuur van die verskillende vrugte. Sny hulle in die helfte deur en laat die leerders die vrugte en die sade teken. Vestig hulle aandag op die verskille in die sade en laat hulle dit in hulle tekeninge aandui (K+K 4.5).

Versamel die sade en laat dit droog word. Laat die leerders slaginstrumente daarvan maak, bv. deur dit in te ryg as ‘n rammelaar of dit in ‘n houer te sit en as skudinstrumente te gebruik. Hulle kan hulle eie patrone en ritme skep of daarmee die tyd uittik van musiek wat aan hulle voorgespeel word of van liedjies wat hulle saamsing. Hulle kan dit ook gebruik om geluide in die natuur of meganiese geluide (soos in die fabriek) na te boots (K+K 3.4; 4.4).