3.3 Leesaktiwiteite  (Page 6/6)

(o) (i) Sersant Jordaan het mev. Haussman gevra waar sy die

vorige dag was.

(ii) Sersant Jordaan het gesê dat mev. Haussman die volgende dag in die hof moes verskyn.

(iii) Mev. Haussman het gevra hoekom sy daardie skade moes verduur.

(p) (i) Mev. Haussman het gesê: “Ek is aan ‘n stralerjakkerlewe

gewoond.”

(ii) Mnr. John Schwartz het gesê: “Ek het gister ‘n verdagte persoon opgemerk.”

(iii) Sersant Jordaan het gevra: “Mev. Haussman, beoog u om môre na Switserland te vertrek?

(iv) Mev. Haussman het gesê: “U moet u nie aan skinderstories steur nie.”

OF

Julle moet julle nie...

Dwelmondersoeke by skole verwelkom

Cathy Retief-Nel

Skole en ouers in die Helderberg-omgewing het die voorgestelde nuwe beleid ten opsigte van dwelmondersoeke verwelkom.

Die Nasionale Departement van Onderwys se 2000 Plus-verslag het getoon dat leerders dwelms, veral dagga en Mandrax en in mindere mate ook kokaïen, sonder veel moeite in die hande kan kry.

Die verslag het ook getoon dat 55 persent van leerders iemand ken wat dagga of plaasvervangers vir dwelms, soos gom, gebruik.

Volgens leerders is dwelms tuis beskikbaar, of andersins is daar altyd iemand in die omgewing wat dwelms verkoop. Venters wat eetgoed by die skool se hekke verkoop, is ook meermale dwelmhandelaars.

In die Wes-Kaap het die probleem, wat reeds as ‘n krisis bestempel word, talle skoolhoofde aangespoor om leerlinge lukraak vir dwelms te laat toets. Selfs van die voorste privaatskole het by hierdie program ingeskakel.

Die Minister van Onderwys, Kader Asmal, het egter ‘n moratorium op dwelmondersoeke by skole geplaas omdat dit, volgens hom, ‘n skending van kinderregte is.

Sarah Fisher, hoof van Kaapstad se dwelm-en-alkoholopvoedingsprogram (Bridges, in Somerset-Wes) het gesê dat studies aangetoon het dat leerders in die primêre skool reeds swaar drink en met dagga, verslankingstablette en, in sommige gevalle, kokaïen eksperimenteer.

Die WKOD het ‘n onderwysmodel ontwikkel om leerders wat as risiko-gevalle geïdentifiseer word te hanteer. John Smith, skoolhoof by Hoërskool Princetown, sê: “Sou ‘n leerder se gedrag, voorkoms, skoolwerk of algemene houding merkbaar verander, sal onderwysers hul kommentaar in ‘n boek aanteken en sodra ons voel dat daar rede tot kommer is, sal ons optree.”

Die leerder word dan ingeroep, sy/haar ouers word betrek en verlof word aangevra om ‘n dweltoets te doen. Indien die uitslag positief is, word alles gedoen om die leerder te help. “Dit is duidelik dat daar in elke geval ‘n gebrek is aan ‘n ondersteuningstruktuur in die gesin,” het mnr. Smith gesê. In die meeste skole is alkohol ‘n groter probleem as dwelms.

“Ek beskou nie dwelmondersoeke as ‘n skending van menseregte nie. Ons is verantwoordelik vir die welstand en die toekoms van ons jongmense en daarom moet ons drastiese maatreëls tref om dit te verseker,” het mnr. Smith bygevoeg.

‘n Welsynswerker, mev. Coomans, het die volgende kommentaar gelewer: “Ek besef dat ‘n mens nie al die skuld op die ouers kan pak nie, maar dit is waar dat sommige ouers geneig is om hul kinders te min aandag en te veel geld te gee. Hulle meen dat dit die kinders besig sal hou terwyl hulle (die ouers) by die werk is, uitgaan of vir ‘n naweek weggaan.” Ander besorgde ouers het met hierdie siening saamgestem.

Sommige leerders het hul mening gegee, maar wou nie hê dat hul genoem word of dat hulle individueel aangehaal word nie, want hulle was bang dat hulle daarvan beskuldig sou word dat hulle hul vriende en hul skool “verraai”. Hulle het egter erken dat dwelm- en alkoholmisbruik onder 12- tot 18-jariges algemeen voorkom.

Helderberg Sun , 29 November 2001

Omdat daar ‘n opeenhoping van vokale is.

(i) middelafhanklikheidsforum

werklikheidsprogram

(ii) mannemoed

gelaatskleur

sterwensuur

Koerier – Iemand wat iets (bv. ‘n bakkie) namens iemand anders vervoer. In hierdie geval word bedoel dat dit ‘n dwelmsmokkelaar se handlanger (draer) is. So ‘n persoon word ook ‘n “muil” genoem.

Dameskoene

Messteek

(c) Dit verwys na wat mnr. Ucko in die eerste paragraaf gesê het.