3.1 Stillees  (Page 2/3)

Verklaring van die boodskap:

Hierdie boodskap is ‘n rekenaarboodskap. Dit is in 1974 gestuur aan ‘n groep sterre in die ruimte. Dit bevat inligting oor ons sonnestelsel en bevat ook ‘n voorstelling van die mens. Kan jy die “mens” raaksien? Dit sal egter 24 000 jaar duur voordat hierdie boodskap sy bestemming sal bereik.

Dit klink ‘n bietjie baie lank om te wag vir ‘n moontlike “antwoord” op hierdie boodskap.

Dis nou julle beurt om ‘n boodskap te stuur. Julle boodskappe kan nou nie so ver gestuur word nie! Julle boodskappe moet geskik wees om in ‘n tydkapsule begrawe te word.

Wat is ‘n tydkapsule? Dit is ‘n houer wat voorwerpe en inligting van die huidige tyd bevat en dan begrawe word. Hierdie tydkapsule sal dan hopelik in die verre toekoms opgegrawe word sodat mens kan sien hoe mense in die verlede geleef en gelyk het!

Elkeen van julle moet die volgende voorberei:

• ‘n Geskrewe stuk.
• ‘n Foto of skets van jouself.
• Enige voorwerp of item wat jy dink mense oor sowat eenhonderd jaar interessant sal vind.

1. waaroor moet julle skryf?

Skryf asseblief die volgende. Die datum word eerste geskryf:

• ‘n Paragraaf oor jouself (jou naam, van, waar jy gebore is en wanneer, waar jy woon).
• ‘n Paragraaf oor jou voorkoms (hoe jy lyk, kleur van hare, oë, lengte, liggaamsbou).
• ‘n Paragraaf oor jou voorkeure ( waarvan jy hou, bv. kleur, kos, skoolvakke, tydverdryf, ideaal).
• ‘n Paragraaf oor ‘n tipiese dag ( wat doen jy elke dag, bv. staan op, trek aan, gaan skool toe, aktiwiteite na skool, wat jy saans doen.

Ruil nou jou “lewenskets” om met jou maat s’n. Julle gaan mekaar se skryfwerk assesseer.

Vul een van die volgende in by elke kategorie:

Geassesseer deur:

1. Mondeling

Elke leerder kry nou ‘n beurt om die inhoud van sy of haar tydkapsule aan die klas voor te dra.

• Die lewenskets word oorvertel (nie gelees nie).
• Die voorwerp of item wat jy insluit, word gewys, en jy moet verduidelik hoekom jy hierdie item of voorwerp gekies het.
• Wie sal jy graag wil hê moet jou tydkapsule ontdek?

Assessering deur die opvoeder

4. HOOFTYE VAN DIE WERKWOORD

In Module 1 het julle ‘n bietjie hersiening van die Verlede Tyd gedoen. Kom ons kyk weer daarna.

Werkwoorde sê mos wat ons doen.

Ons kan werkwoorde op drie maniere gebruik:

• Om te sê wat ons gedoen het (verlede tyd).
• Om te sê wat ons doen (teenwoordige tyd).
• Om te sê wat ons sal doen (toekomende tyd).

Ons het by no.8 met al drie die tye kennis gemaak:

Ons beskryf in die teenwoordige tyd en iemand sal in die toekomende tyd lees hoe ons in die verlede tyd geleef het.

1. Voltooi die tabel met die tye.