3.1 Om geskrewe taal in digvorm te verstaan en waardeer  (Page 2/4)

• Vergelyk Teks A en Teks B. Die een is meer feitelik en word as ’n artikel/berig aange­bied, terwyl die ander ’n gedig (oor ’n ware gebeurtenis) is. Soek die ooreenkomste en verskille in die volgende (jy kan jou gerus laat lei deur die antwoorde wat jy op “Klara Majola” verskaf het):

1. die aanbieding

2. die inhoud

3. die gevolg

AKTIWITEIT 3

Om ’n ervaring in die vorm van ’n gedig, met gepaste aanwen­ding van die korrekte styl en woordkeuse, weer te gee

• Kom ons waag nou self ons hand aan ’n gedig.

• Skryf ’n kort gediggie (jy kan selfs “Klara Majola” as model gebruik) oor ’n onbaatsugtige of dapper daad waarvan jy weet en wat ’n groot indruk op jou gemaak het. Oefen eers op jou eie papier en skryf die finale poging hieronder.
• AKTIWITEIT 4

Om die tipiese taal en styl van ’n bepaalde soort teks waar te neem en in ’n eie skryfstuk toe te pas

• Lees die volgende drie tekste deur en voer die opdragte daaroor uit

Teks B

Inbreker sit elf uur vas in skoorsteen – van dolleë huis (uit Die Burger )

’n Aspirant-inbreker op Citrusdal het met die nagtelike gebeier van die kerkklok op die agtergrond oor sy sondes besin terwyl hy bykans elf uur lank in ’n skoorsteen vasgesit het.

Die man het glo Maandagaand by die NG Kerk se pastorie probeer inbreek, maar nadat hy feitlik ál die ruite met ’n baksteen stukkend geslaan het, en hom telkens teen stewige diefwering vasgeloop het, het ta ‘n plan gemaak.

Hy het die saak uit ’n ander hoek benader en besluit om, soos wolf in die sprokie van die drie varkies, dié baksteenhuis deur die skoorsteen binne te glip.

Volgens kapt. Hilda Conradie van die plaaslike polisiekantoor was daar dié keer nie net ’n kinkel in die kabel nie, maar ook een in die skoorsteen. “Of sy hand gegly het en of hy laat los het, is nie duidelik nie, maar hy het afgegly in die skoorsteen tot waar dit ’n draai na links maak, en daar het hy bly sit.”

Die man het later aan die polisie vertel hy het gehoor hoe die kerkklok die ure aftel. “Hy was teen agtuur al daar en het om hulp geroep, maar niemand het gehoor nie. Hy het moed opgegee omdat hy nie kon asem kry nie. Hy kon elke uur die klok hoor slaan en teen vieruur die oggend het hy weer begin skreeu.”

Volgens Conradie het mense hom douvoordag op pad werk toe gehoor. “Hulle het van die pad af gevra wie hulle moet roep. Hy was só verlig dat hy dadelik gesê het hulle moet die polisie ontbied.”

Hy is teen sewe-uur bevry – en moes hoor die huis staan al lank leeg.

Ds. Dirk Burger, wat in die huis gewoon het, het verlede jaar afgetree en die huis staan al sedert November leeg.

Teks C

Pasiënt word glo in lykshuis wakker(uit Die Burger )

Mnr. George Melanie, ook bekend as oom George, was onlangs baie koud toe hy ná behandeling vir ’n beroerte tot sy ontsteltenis in die hospitaal se lykshuis wakker word.

Melanie het vertel sy seun het op ’n ____hete dag met hom na ’n Bolandse hospitaal gejaag het nadat hy skielik siek begin voel het. By die hospitaal is hy glo vir beroerte behandel en het hy sy bewussyn verloor.

“Toe ek wakker skrik, was ek kaal en het in ’n laai in die hospitaal se lykshuis gelê.