2.51 Om getalle te herken en te klassifiseer om hul sodoende te

Wiskunde

Gewone breuke en desimale breuke

Desimale breuke

Opvoeders afdeling

Memorandum

INLEIDING

Daar is 5 modules:

1. Getalbegrip, Optelling en Aftrekking

2. Vermenigvuldiging en Deling

3. Breuke en Desimale Breuke

4. Meting en Tyd

5. Meetkunde; Datahantering en Waarskynlikheid

4 Dit is belangrik dat opvoeders die modules in volgorde (soos hierbo genoem) sal doen, aangesien die leerders die vorige module se kennis en vaardighede benodig vir die daaropvolgende module.

3. GEWONE EN DESIMALE BREUKE (LU 1; 2 EN 5)

LEEREENHEID 1 FOKUS OP GEWONE BREUKE

• Hierdie module is ‘n voortsetting van die werk wat in graad 5 gedoen is. Daar word uitgebrei op die optelling en aftrekking van breuke, en die berekening van ‘n breuk van ‘n sekere hoeveelheid word ook hersien.
• Maak seker dat die leerders die korrekte terminologie bemeester het, asook die korrekte strategieë om bogenoemde korrek te bereken.
• Kritieke Uitkoms 5 (Effektiewe kommunikasie deur visuele, simboliese, en/of taalvaardighede op verskillende maniere te gebruik) is hier van toepassing.
• 3 weke behoort voldoende te wees om hierdie module te voltooi.
• ** Aktiwiteit 17 is ‘n taak vir die portefeulje. Hoewel dit ‘n baie eenvoudige opdrag is, moet leerders in staat wees om dit netjies en akkuraat uit te voer. Leerders moet voor die tyd weet hoe opvoeders die taak gaan assesseer.

LEEREENHEID 2 FOKUS OP DESIMALE BREUKE

• Hierdie module is ‘n uitbreiding op werk wat in graad 5 afgehandel is. Leerders moet nou in staat wees om desimale breuke korrek af te rond tot die naaste tiende, honderdste en duisendste. Beklemtoon weer die korrekte metode om op te tel en af te trek (vertikaal). Gee ook baie aandag aan die vermenigvuldiging en deling van desimale breuke.
• Aangesien leerders laasgenoemde nogal moeiliker vind, kan 3 - 4 weke aan dié module spandeer word.
• ** Aktiwiteit 19 is ‘n taak vir die portefeulje. Die opdrag is baie eenvoudig, maar leerders moet in staat wees om dit netjies en akkuraat uit te voer. Leerders moet voor die tyd weet hoe opvoeders die taak gaan assesseer.

1.1 Onwaar

1.2 Waar

1.3 Onwaar

1.4 Onwaar

1.5 Waar

1.6 Waar

1.7 Waar

1.8 Onwaar

1.9 Onwaar

1.10 Waar

Leerders afdeling

Inhoud

Aktiwiteit: om getalle te herken en te klassifiseer om hul sodoende te beskryf en te vergelyk [lu 1.3.2]

Kompetisie-tyd!

1. Deel in groepe van vier. Julle het slegs een minuut tyd om te sê of die volgende waar of onwaar is. Jul opvoeder sal daarna die korrekte antwoorde verskaf.

1.1 0,1<0,02

1.2 1>0,99

1.3 0,4<0,06

1.4 0,3<0,30

1.5 0,7>0,071

1.6 1,04 = 1,040

1.7 0,49<0,5

1.8 0,042>0,42

1.9 0,057<0,13

1.10 3,8 = 3,800

• Watter groep het gewen? ………………………………………………………
• Hoeveel het JOU groep reg? …………………………………………………..

Tyd vir selfassessering

Dit is belangrik dat jy goed vertroud en gemaklik sal wees met die voorafgaande werk. Wys vir ons hoe jy daaroor voel deur jouself op ‘n skaal van 1 – 4 te beoordeel. Lees die kriteria en trek net ‘n kring om die toepaslike syfer:

1. = benodig aandag

2 = redelik goed3 = baie goed

4 = uitstekend

Assessering

Leeruitkomste 1: Die leerder is in staat om getalle en die verwantskappe daarvan te herken, te beskryf en voor te stel, en om tydens probleemoplossing bevoeg en met selfvertroue te tel, te skat, te bereken en te kontroleer.

Assesseringstandaard 1.3: die volgende getalle voorstel en herken sodat dit beskryf en vergelyk kan word:

1.3.2 desimale breuke tot minstens twee desimale plekke.