Die begrip verhouding en verhoudings in hul eenvoudigste vorm  (Page 2/3)

Hy besluit om die geld in ‘n verhouding 3 : 5 te verdeel. Hoeveel geld sal elke fonds ontvang?

Hier is ‘n plan om dit te bepaal:

1.1 Die verhouding is 3 : 5 tussen die Vigsprojek (VP) en Helpmekaarfonds(HMF).

Wat beteken dit?

Vir elke R3 wat die VP kry, kry die HMF R5.

• Dus in die eerste verdeelslag word R8 verdeel.

1.3 Daarom kan ons die volgende doen:

VP : HMF

3 : 5

VP se deel: $\frac{3}{8}$ van R = ………………………………………………..

HMF se deel: $\frac{\text{.}\text{.}\text{.}\text{.}\text{.}\text{.}}{\text{.}\text{.}\text{.}\text{.}\text{.}\text{.}}$ van R …………. = ……………………………

(Gebruik jou sakrekenaar en rond af tot die naaste sent waar nodig.)

Probeer jy nou:

1. Vergelyk elk van die volgende verhoudings en dui aan watter verhouding die grootste is. Maak van persentasies gebruik.

1.1 Die oppervlakte van beskikbare grond vir swart mense teenoor wit mense in Zimbabwe is 1 200 km² : 1,35 km². In Suid-Afrika is die verhouding van swart mense teenoor wit mense 0,95 km² : 135 km².

Wat is die verskil in grondbesit van Zimbabwe teenoor S.A. in persentasie uitgedruk?

1.2 38 : 73 en 13 : 43

2. Gedurende 2003 het die Wiskunde HG vraestel ‘n groottotaal van 400 punte aangedui. ‘n Fout is êrens begaan en die vraestel het werklik uit 375 punte getel.

2.1 Druk bogenoemde gegewens as ‘n verhouding in sy eenvoudigste vorm uit.

2.2 Maak gebruik van die gegewens in 2.1 om die volgende leerders van Primrose Privaatskool se punte uit 375 na ‘n punt uit 400 om te skakel:

a) Sarie Neetling: 215

b) Thabo Nakane: 172

c) Maria Schmidt: 370

2.3 Bereken die gemiddeld van die Wiskunde HG vraestel van hierdie skool:

AKTIWITEIT 3

Om ‘n gegewe verhouding te vermeerder of te verminder

[LU 3.7, 4.1]

In hierdie aktiwiteit en dié wat volg, is die volgende resep van kardinale belang.

• Resep tot sukses:

• Maak altyd ‘n tabel.
• Vra altyd die vraag: Gaan die antwoord meer of minder as die gegewe wees?

1. Vermeerder R250 in ‘n verhouding 2 : 3.

• Maak ‘n tabel.
• Vraag: Waar moet die R250 kom? Ja onder die verhouding (2), want die bedrag moet vermeerder word na 3. Gaan die antwoord onder verhouding (3) meer of minder wees as R250? Ja, meer.
• Stel jou gegewens nou as verhoudings voor en bereken die gevraagde.

Tabel:

• Stel jou gegewens as verhoudings voor:2 : 3 = 250 : a2 en R250 moet in eerste posisies wees. $\frac{2}{3}$ = $\frac{\text{250}}{a}$ (Doen oorkruisvermenigvuldiging):2 x a = 3 x 250 2 a = 750 a = 375
• Kontroleer jouself: Jou antwoord moet meer as R250 wees.

2. Doen nou die volgende. Onthou die resep tot sukses:

2.1 Me Radetski ondervind finansiële probleme en besluit om haar huishulp wat 5 dae per week inkom, nou net 2 dae per week te laat inkom. Sy besluit om haar huishulp se salaris wat tans R1 250 per maand is, te verminder in die verhouding 5: 2.Bereken die huishulp se nuwe salaris.

Tabel:

AKTIWITEIT 4

Om twee verskillende hoeveelhede met mekaar te vergelyk

[LU 3.7, 4.1]

1. ‘n Bekende voorbeeld is: 120 km/h.

• Wat beteken dit?

2. Jy ry 120 km ver in 2 h. Wat is jou gemiddelde spoed? (km/h beteken km per uur of km ÷ h.)

3. As twee verskillende eenhede in die geval km en uur (h) met mekaar vergelyk word, word die antwoord SPOED (km/h) genoem of KOERS.