| << Chapter < Page | Chapter >> Page > |
Die voorval het op Saterdag 6 Julie na die tiende wedren in die openbaar
plaasgevind toe Maharaj glo die opsiener, Steve Arendse, bloedneus geslaan het.
Maharaj word ook daarvan beskuldig dat hy skeltaal teenoor amptenare van die Jokkieklub gebruik het en van aggressiewe en beledigende gedrag in die opsiener se bestuurskamer op Greyville.
Die senior Gautengse advokaat, David Beasely, is die voorsitter van
die ondersoekraad.
Ander aanklagte wat teen Maharaj ingedien is, sluit in skel op die
hoofopsiener, Roger Smith, nadat Maharaj hom gebel het in verband met
die voorgee van ‘n perd onder sy sorg.
Maharaj het ook blykbaar die senior voorgeër, Colin Buckman, in verband met
dieselfde perd gebel en hom herhaaldelik gevloek en beledig deur
Buckman ‘n "hond" te noem.
In ‘n afskrif van ‘n bandopname wat in die bestuurskamer opgeneem en as
getuienis ingedien is, het Maharaj na bewering die voorsitter van die
opsienersraad, Trevor Taylor, genader om ‘n klag in te dien, maar is deur
Taylor ingelig dat die saak reeds ondersoek word.
Maharaj het die bestuurskamer verlaat waarna hy en die Jokkie-akademie se
rymeester, Paul Gadsby, handgemeen geraak het. Maharaj het Gadsby
daarvan beskuldig dat hy hom geslaan het, maar volgens Taylor het Gadsby
nie aan Maharaj geraak nie.
‘n Skerp woordewisseling het gevolg, waarna Maharaj glo Taylor wou slaan en
deur lede van die opsienersraad bedwing moes word.
Maharaj is uiteindelik oorreed om die bestuurskamer te verlaat, maar het
later met beveiligingsbeamptes teruggekeer nadat hy Arendse na bewering in
die paradebaan geslaan het.
Maharaj is in kennis gestel dat sy gedrag ondersoek sal word, waarna hy op
bevel van Taylor van die baan begelei is.
Gadsby het onder kruisverhoor erken dat hy Maharaj geslaan het, maar eers
nadat Maharaj hom gevloek het.
Reggie Reddy verteenwoordig Maharaj en die saak is tot 23 Oktober verdaag.
Chaos ná 2 vroue sê hul wen fietsren
KAAPSTAD. 'n Yslike twis het gister by die wenstreep van die Cape Argus en
Pick 'n Pay se fietswedren ontstaan nadat die Oos-Kapenaar Anriëtte Schoeman eers as die vrouewenner gekroon is, maar dié uitslag opgeskort is ná klagtes van 'n betreklik onbekende ryer.
Ronel Liss, 'n voormalige baanatleet van Stellenbosch, het sekondes ná die
prysoorhandiging aan beamptes gesê sy was die eerste vrou oor die wenstreep.
Die organiseerders het besluit om die voorlopige uitslag eers op te skort
sodat ondersoek na die vertoning van Liss en Schoeman ingestel kan word. Dit
kan tot 48 uur duur, het me. Marlene Blaauw, woordvoerder van die
organiseerders, gesê.
TV-opnames toon Liss het wel eerste oor die wenstreep gejaag en sowat 15
sekondes voor Schoeman geëindig.
Die ander voorste vrouejaers in die wedren beweer egter almal hulle het haar
nooit tydens die wedren gesien nie.
Schoeman is deur die media en beamptes oorval nadat sy die wenstreep
oorgesteek het.
Sy het vertel watter grootse oomblik dit vir haar is om die wedren die derde
jaar agtereenvolgens te wen. Daarna is sy op die wennerspodium deur Kaapstad se burgemeester, mnr. Gerald Morkel, gelukgewens.
Notification Switch
Would you like to follow the 'Lewensorientering graad 7' conversation and receive update notifications?
|
|
|
|
|
|
|
|
|
|
|
|
|
|
|
|
|
|
|