4.2 Om begrip van vierhoeke en hul eienskappe toe te pas in probleme  (Page 11/2)

Wiskunde

Graad 9

Vierkante, perspektieftekening, transformasies

Module 23

Om begrip van vierhoeke en hul eienskappe toe te pas in probleme

AKTIWITEIT 1

Om begrip van vierhoeke en hul eienskappe toe te pas in probleme

[LU 3.7, 4.4]

• Die sketse vir hierdie gedeelte is op ‘n aparte problemeblad. Verwys daarna vir die volgende vrae.
• Werk soos volg in pare: Bestudeer elke probleem onafhanklik totdat jy dit opgelos het, of so ver gekom het as jy kan. Verduidelik dan jou oplossing stap-vir-stap aan jou maat, totdat hy dit goed genoeg begryp om dit te kan neerskryf. By die volgende probleem is dit jou maat se beurt om sy oplossing aan jou te verduidelik sodat jy dit kan neerskryf. Onthou dat julle redes of verduidelikings moet verskaf vir alle bewerings wat gemaak word.

1. Bereken die waardes van a, b, c , ens. vanuit die inligting by die vraag en in die skets, en beantwoord dan die vraag wat daarop volg.

1.1 In die skets is ‘n vierkant met een sy 3 cm. a = die aanligggende sy.

b = die hoeklyn. c = die oppervlakte van die vierkant.

Hoekom maak die hoeklyn ‘n 45 ° hoek met die sy?

1.2 Dit is ‘n ruit met lang hoeklyn = 8 cm en kort hoeklyn = 6 cm. a = sylengte.

b = oppervlakte van ruit.

Waarom mag jy die Stelling van Pythagoras hier gebruik?

1.3 Die skets is van ‘n reghoek met kort sy = 5 cm en ‘n hoeklyn = 13 cm.

a = die lang sy. b = oppervlakte van die reghoek.

Waarom is die ander hoeklyn ook 13 cm?

1.4 Die parallelogram het een binnehoek = 65°, hoogte = 3 cm en lang sy = 9 cm.

a = klein binnehoek. b = groot binnehoek. c = oppervlakte van parallelogram

Verduidelik waarom hierdie parallelogram dieselfde oppervlakte het as ‘n 3 cm by 9 cm reghoek.

2. Bereken die waarde van x vanuit die inligting in die sketse.

2.1 Die driehoek is gelykbenig met een van die gelyke sye 15 cm en oppervlakte = 45 cm ² .

x = hoogte van driehoek.

2.2 Hierdie trapesium se langste sy is 23 cm en die sy wat ewewydig daaraan is, is 15 cm.

Die hoogte is = 8 cm. x = oppervlakte van trapesium.

Waarom is die twee gemerkte binnehoeke supplementêr?

2.3 Die vlieër se oppervlakte is 162 cm ² en die kort hoeklyn is 12 cm. x = lang hoeklyn.

Waarom is die som van die vlieër se binnehoeke 360 ° ?

2.4 In hierdie skets is dieselfde vlieër van vraag 2.3 in drie driehoeke met gelyke oppervlaktes verdeel (ignoreer die stippellyn). x = boonste gedeelte van die lang hoeklyn.

3. Die volgende probleme bevat inligting waaruit jy ‘n vergelyking moet vorm. Gebruik die kenmerke van die figure. As jy dan die vergelyking oplos, gee dit jou die waarde van x .

3.1 Twee van die hoeke van die ruit is 3 x en x onderskeidelik.

Hoekom kan hierdie figuur nie ‘n vierkant wees nie?

3.2 In die parallelogram is die groottes van twee teenoorstaande binnehoeke x + 30° en 2 x – 10° onderskeidelik.

Verduidelik waarom die gemerkte hoek 110 ° is .

3.3 Die trapesium het twee hoeke van x – 20° en x + 40° onderskeidelik.

Waarom is dit nie ‘n parallelogram nie?

3.4 Die kort hoeklyn van die ruit is getrek; die hoeklyn maak een hoek van 50°, en een binnehoek van die ruit is gemerk met ‘n x .

Werkvel vir Leereenheid 1

Problemeblad vir Leereenheid 1