1.2 Handels-/vervoerroetes

Sosiale wetenskappe: aardrykskunde

Graad 6

Kaartwerk

Module 3

Handels-/vervoerroetes

• Soos handel die dryfkrag was agter die ontdekkingsreise van die vroeë seevaarders soos Dias en Da Gama, is dit vandag steeds vir baie mense die hoofrede om gereeld van plek tot plek te reis. Die een groep beskik oor produkte / dienste wat die ander wil hê en daar word voortdurend kontak gemaak ten einde die handelstransaksies so vlot moontlik te laat verloop.
• Die roete kan deesdae oor land, see, per lug of spoor wees. Die sentrale punte van handel is gewoonlik in groot stede gekonsentreer en daarom strek die hoofhandelsroetes tussen groot stede.

Aktiwiteit 1:

Om die vernaamste lugroetes op ‘n kaart aan te dui

[lu 1.5]

Gaan na ‘n reisagentskap in jou dorp en vra vir hulle ‘n wêreldkaart wat die belangrikste lugroetes aandui. Gebruik nou jou skoon wêreldkaart en dui die hooflugroetes volgens die reisagentskap se kaart in rooi op die kaart aan. Vind dan die kaart met die hoofseeroetes in jou atlas en teken dit in oranje op jou kaart in. Maak nou ‘n lys van al die belangrikste stede wat eind- of beginpunte van see- of lugroetes is.

Wêreldkaart

Aktiwiteit 2:

Om inligting op ‘n kaart van suid-afrika aan te bring

[lu 1.5]

Teken ‘n kaart van Suid-Afrika en vul die volgende daarop in (gebruik die korrekte kaartsimbole):

• vier belangrike hawestede
• treinroete van Kaapstad na Johannesburg
• vier belangrike lughawens
• die belangrikste binnelandse lugroetes

Aktiwiteit 3:

Om ‘n besluit te neem oor die vervoer van goedere

[lu 1.4]

Jy is die hoof van ‘n uitvoermaatskappy wat in Durban geleë is en moet die volgende goedere vir jou kliënte by hul onderskeie bestemmings kry. Konsulteer met jou uitvoerspan en besluit op die beste manier om dit te vervoer:

• 100 dosyn rose van Bloemfontein na Sydney, Australië;

10 ton afvalmetaal van Johannesburg na New York.

Assessering